მჟავე წყლის მიმდებარე ტერიტორიის კეთილმოწყობა
ლენტეხის მუნიციპალიტეტში მჟავე წყლის მიმდებარე ტერიტორიის კეთილმოწყობის სამუშაოები მიმდინარეობს.
სამუშაოები მუნიციპალიტეტის მერმა გია ონიანმა, მოადგილე ბერდია ჩანქსელიანთან და ინფრასტრუქტურის სამსახურის ხელმძღვანელთან ლევან ლიპარტელიანთან ერთად დაათვალიერა.
პროექტის ფარგლებში მოეწყობა კოშკი-მაჩუბით, გაკეთდება ალაყაფის კარი, კეთილმოეწყობა სკვერი, ავტოსადგომი, საპირფარეშოები, ფანჩატური-მოსასვენებელი ადგილი და გამწვანდება მიმდებარე ტერიტორია.
სამუშაოები 2020-2022 წლების საპილოტე რეგიონების ინტეგრირებული განვითარების პროგრამის ფარგლებში შერჩეული პროექტებიდან დაფინანსდა, რომლის ღირებულება შეადგენს 1, 200 000 ლარს.
პროექტი გარდამავალია და დასრულდება 2022 წლის 31 აგვისტოს.