,,სოფლის მხარდაჭერის პროგრამის ფარგლებში” მოსახლეობასთან შეხვედრები დაიწყო
ლენტეხის მუნიციპალიტეტში “სოფლის მხარდაჭერის“ პროგრამის ფარგლებში განსახორციელებელი პროექტების შერჩევის მიზნით, მოსახლეობასთან შეხვედრები ლენტეხის თემში დაიწყო.შერჩეული პრიორიტეტები ,,სოფლის მხარდაჭერის“ პროგრამის ფარგლებში რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდიდან ფინანსდება.ლენტეხის მუნიციპალიტეტის მერი გია ონიანი, ადგილობრივი ხელისუფლების წარმომადგენლებთან ერთად ლასკადურის, კახურის, გულიდის, მელურის და ლექსურის სოფლის მოსახლეობას შეხვდა და პროგრამის ფარგლებში განსახორციელებელი პროექტები განიხილეს.ადგილობრივების უშუალო ჩართულობით, გამოვლინდა შემდეგი პრიორიტეტული მიმართულებები:
სოფ. გულიდა – გარე განათების მოწყობასოფ. კახურა – გარე განათების მოწყობასოფ. ლასკადურა – სასაფლაოების შემოღობვა სოფ. მელურა-სკვერის კეთილმოწყობასოფ. ლექსურა-სამეურნეო დანიშნულების გზის მოწყობასაქართველოს მთავრობის განკარგულების შესაბამისად ამ პროგრამის ფარგლებში, წელს, ლენტეხის მუნიციპალიტეტისთვის გამოყოფილი თანხა შეადგენს 604 000 ლარს. ყველა დასახელებულ პროექტს კი ლენტეხის მუნიციპალიტეტის მერია წლის ბოლომდე განახორციელებს.აღნიშნული პროგრამა, ხელს უწყობს მოქალაქეთა ჩართულობის გაზრდას, როგორც მათი სოფლისთვის მნიშვნელოვანი საკითხების მოგვარებაში, ასევე, თემის პრიორიტეტებისა და სამომავლო განვითარების მიმართულების განსაზღვრაში.შეგახსენებთ, რომ კონსულტაციები 27 თებერვალს დაიწყო და ეტაპობრივად ყველა სოფელს მოიცავს.
