სამუშაოები, მონიტორინგის მიზნით, რაჭა-ლეჩხუმ, ქვემო სვანეთის რწმუნებულის მოადგილე ბერდია ჩანქსელიანმა და მუნიციპალიტეტის მერმა გია ონიანმა მოინახულეს.

მდინარეები ჩოლშურა და მუხრა წლების განმავლობაში პრობლემებს უქმნიდა მოსახლეობას. ადიდების შედეგად მდინარე გადმოდიოდა კალაპოტიდან და მოძრაობა იზღუდებოდა.

ჩატარებული სამუშაოების შემდეგ, სახიდე გადასასვლელით ჩოლურის თემის სამი სოფელი ისარგებლებს.

საპროექტო სამუშაოებს შ.პ.ს ,,ავტოგზა ლენტეხი 99’’ ასრულებს, რომლის სახელშეკრულებო ღირებულება 1, 052, 352 ლარს შეადგენს.