,,სკალდობა-2022’’სულთმოფენობის დღესასწაულზე, ყოველწლიურად, ქვემო სვანეთში, ლენტეხის სოფელ ფაყში და სკალდის მთაზე, სახალხო რელიგიური დღესასწაული ფაყობა-სკალდობა იმართება. ამ დღეს ათასობით მომლოცველი სტუმრობს სოფელ ფაყში მდებარე და სკალდის მთავარანგელოზის სახელობის ტაძარს, რომელიც ზღვის დონიდან 2210 მეტრზე მდებარეობს. სოფელ ფაყში მდებარე უძველეს ტაძარში ყველა მომლოცველს შეუძლია მისვლა. ისკალდის წმინდა მთაზე კი მხოლოდ მამაკაცები ლოცულობენ. არსებობს ტრადიცია, როცა სასულიერო პირები ტაძარში წირვა-ლოცვას აღავლენენ, გარეთ, ეზოში ხალხს ე.წ. “სტაროსტები“ ლოცავენ. ეს ტრადიცია უძველესია და დღემდე შემორჩა ქვემო სვანეთის ამ დღესასწაულს.ფესტივალზე ,,სკალდობა-2022’’ ჩატარდება სპორტული და კულტურული ღონისძიებები. გაიმართება დოღი, სვანური ჭიდაობა და მკლავჭიდი. ფესტივალში მონაწილეთა ასაკი შეუზღუდავია. წონითი კატეგორიები:სვანური ჭიდაობა -70კგ, -85კგ , -100კგ. და აბსოლუტური (მარკლანი).
მკლავჭიდი -90კგ. და აბსოლუტური.
მონაწილეთა რაოდენობა:დოღი 40 ცხენოსანი, სვანური ჭიდაობა 30-40 მონაწილე, მკლავჭიდი 40 მონაწილე.
დაჯილდოება:ფესტივალის გამარჯვებულები დაჯილდოვდებიან შესაბამისი ხარისხის დიპლომებით და ფულადი პრიზებით. დოღში გამარჯვებულებს გადაეცემათ: I – ცხენი, II -უნაგირი, III სამონადირეო მაღაზიის 400 ლარიანი ვაუჩერი. ასევე, სვანურ ჭიდაობაში გამარჯვებულები დაჯილდოვდებიან ფულადი პრიზებით.
ფესტივალის ორგანიზატორი:ლენტეხის მუნიციპალიტეტის მერია და საკრებულო .
12 ივნისს, გთხოვთ მობრძანდეთ სკალდობის დღესასწაულზე! თქვენ გახდებით ბევრი საინტერესო აქტივობის თანამონაწილე.ღონისძიებები დაიწყება 11 საათზე.
