სოფელ სასაშში მიმდინარეობს აფხაზეთის ომის გმირის, ემზარ ონიანის სახელობის სკვერის მოწყობა.

პროექტის ფარგლებში ეწყობა მონოლითური რკინა-ბეტონის ღობეები, კედლები, კიბეები, პანდუსები. გრანიტის ბორდიურები, საბავშვო მოედანი, ატრაქციონები, გრანიტის ქვის დეკორატიული ღობე, ფანჩატური, მოსასვენებელი მაგიდა-სკამებით, სანათები.

სამუშაოებს ასრულებს შ.პ.ს ,,ბიელი’’, რომლის სახელშეკრულებლო ღირებულება 334,431 ლარია.

ასევე, სოფელ ჟახუნდერში მიმდინარეობს შინდისის გმირის ალეკო ონიანის სახელობის სკვერის მოწყობის სამუშაოები.

პროექტის ფარგლებში მოეწყობა: ლითონის დეკორატიული მოაჯირი ღობის ქვის კედელზე, ბუნებრივი ქვით ტერასების, საფეხურების მოწყობა, ადგილობრივი ბუნებრივი ქვისგან დამზადდება მონუმენტი, მოსასვენებელი მაგიდა-სკამებით, მოეწყობა გაზონი, სანათები. საქართველოს ეროვნული დროშა განთავსდება ლითონის დგარზე.

სამუშაოებს შ.პ.ს ,,აინაგები’’ ასრულებს, თანხით 145, 547ლარი.