28 ოქტომბერს, დაბა ლენტეხში, ოლეგ ლიპარტელიანის სახელობის მოედანზე, პირველად გაიმართა საერთაშორისო ტურნირი 2012 წელს დაბადებულ მორაგბეებს შორის.

ფესტივალში მონაწილეობდნენ საქართველოს სარაგბო გუნდები – ბათუმიდან, ფოთიდან, ქუთაისიდან, სამტრედიიდან, ლენტეხიდან, ამბროლაურიდან, ხაშურიდან, ჭიათურიდან თბილისიდან და აზერბაიჯანიდან.

შეჯიბრი, 7-კაცას და 12-წლამდელთა თამაშის მოქმედი წესების მიხედვით ჩატარდა.

ტურნირის დასრულების შემდეგ, მსურველებისთვის, ლენტეხში, ახლად რეაბილიტირებულ მჟავე წყლის ტერიტორიაზე, 2023 წლის რაგბის მსოფლიო თასის ფინალური შეხვედრის ერთობლივი ყურება გაიმართა.

ფესტივალს რაჭა-ლეჩხუმ-ქვემო სვანეთის სახელმწიფო რწმუნებულის მოადგილე, ბერდია ჩანქსელიანი, ლენტეხის მუნიციპალიტეტის მერი, გია ონიანი, რაგბის კავშირის წამომადგენლები, მოწვეული სტუმრები, ადგილობრივი მოსახლეობა და ხელისუფლების სხვა წარმომადგენლები ესწრებოდნენ.

ფესტივალის მთავარი სპონსორები გახლდათ: Future Georgia; Future Azerbaijan; ENZY Group.

ტურნირი რომელიც სანახაობრივად ძალიან საინტერესო იყო, ასევე, პირველი ქართულ-ინგლისური სარაგბო გამოცემა ,,Rugby World Georgia”-ს ორგაბიზებით, რაგბის კავშირის პარტნიორობით, ლენტეხის მუნიციპალიტეტის მერიის მხარდაჭერითა და თანადგომით ჩატარდა.