მერიის ინფრასტრუქტურული პროექტების ფარგლებში, ადგილობრივების თხოვნის საფუძველზე, სოფელ სასაშში ემზარ ონიანის სკვერის კეთილმოწყობის სამუშაოები დასრულდა.
შესრულებული სამუშაოების ფარგლებში მოეწყო, მონოლითური რკინა-ბეტონის კედელი, გრანიტის ქვის დეკორატიული ღობე, მონოლითური რკინა-ბეტონის კიბეები და პანდუსები, გრანიტის ბორდიურები, ქვაფენილი, განათება, საბავშვო მოედანზე ატრაქციონი, ასფალტო-ბეტონის საფარი, ფანჩატური და ემზარ ონიანის სახელობის მემორიალური ქვა.ლენტეხის მუნიციპალიტეტის მერმა გია ონიანმა და საკრებულოს თავმჯდომარემ გიორგი გაზდელიანმა დასრულებული პროექტი მონიტორინგის მიზნით მოინახულეს.334 431 ლარის ღირებულების პროექტი რეგიონალური განვითარების ფონდის დაფინანსებით განხორციელდა.დაგეგმილია და უახლოეს პერიოდში კეთილმოეწყობა ეროვნული გმირის ემზარ ონიანის საფლავიც.
