9 აპრილი

9 აპრილი საქართველოს უახლესი ისტორიის ერთ-ერთი უმნიშვნელოვანესი და მტკივნეული თარიღია, რომელიც ერთიანობის, სიმამაცისა და პატრიოტიზმის სიმბოლოა. ეს დღე უკავშირდება 1989 წლის ტრაგიკულ მოვლენებს, როდესაც დამოუკიდებლობის მოთხოვნით მოწყობილ მშვიდობიან დემონსტრაციაზე, ძალისმიერი დარბევის შედეგად დაიღუპა 21 ადამიანი და 427 დაიჭრა.

დღეს, საქართველოს თავისუფლების იდეისთვის თავგანწირულ გმირთა ხსოვნას პატივი მიაგეს და 9 აპრილის მემორიალი გვირგვინით შეამკეს რაჭა-ლეჩხუმ-ქვემო სვანეთის სახელმწიფო რწმუნებულის მოადგილემ ბერდია ჩანქსელიანმა, ლენტეხის მუნიციპალიტეტის მერმა გია ონიანმა, საკრებულოს თავმჯდომარემ გიორგი გაზდელიანმა და ადგილობრივი ხელისუფლების სხვა წარმომადგენლებმა.

დაღუპულთა ხსოვნისადმი მოსახსენიებელი პანაშვიდი აღავლინა მამა იაკობმა.

ასევე, საბიბლიოთეკო გაერთიანებაში მოეწყო 9 აპრილისადმი მიძღვნილი თემატური გამოფენა.

დიდება გმირებს!