კომპიუტერების გადაცემა

საქართველოს განათლების, მეცნიერების და ახალგაზრდობის სამინისტროს პროგრამის ფარგლებში, ლენტეხის სკოლების ცამეტ წარჩინებულ მოსწავლეს კომპიუტერები გადასცეს ლენტეხის მუნიციპალიტეტის საკრებულოს თავმჯდომარემ გიორგი გაზდელიანმა, რაჭა-ლეჩხუმი ქვემო სვანეთის სახელმწიფო რწმუნებულის მოადგილემ ბერდია ჩანქსელიანმა, საგანმანათლებლო რესურსცენტრის უფროსმა ბადრი ქარდავამ, მერის მოადგილემ მარადი ლიპარტელიანმა და ლენტეხის მაჟორიტარმა დეპუტატმა ირაკლი ქურასბედიანმა.

ასევე ოქროს მედლებით დაჯილდოვდნენ 2022-2023 სასწავლო წლის ლენტეხის მუნიციპალიტეტის საჯარო სკოლების კურსდამთავრებულები.

მოსწავლეთა წახალისების პროექტის მიზანია ხელი შეუწყოს მოსწავლეთა მოტივაციის ამაღლებასა და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერებას. პროექტი თანამედროვე ტექნოლოგიების ხელმისაწვდომობის გაზრდით, ყველა ნიჭიერ და შრომისმოყვარე მოზარდს სწავლის თანაბარ პირობებს უქმნის.

ღონისძიებაზე დამსწრე საზოგადოების წინაშე სიტყვით წარდგა ლენტეხის მუნიციპალიტეტის საკრებულოს თავმჯდომარე გიორგი გაზდელიანი, რომელმაც ახალგაზრდებს მიღწეული წარმატება მიულოცა და მათ პედაგოგებსა და მშობლებს მადლობა გადაუხადა.