დაბა ლენტეხში, ოლეგ ლიპარტელიანის სახელობის ლენტეხის ოლიმპიური მომზადების ცენტრის სტადიონზე სპორტის დამსახურებული ოსტატის, საქართველოს არაერთგზის ჩემპიონის ქართულ ჭიდაობაში, გერასიმე ქურასბედიანის სახელობის ღია ტურნირი გაიმართა.
შეჯიბრში, ლენტეხის მუნიციპალიტეტის სასპორტო სკოლების გაერთიანებაში შემავალი ჭიდაობის სექციის აღსაზრდელები მონაწილეობდნენ.გერასიმე ქურასბედიანის სახელობის თასი, გარდაცვლილის შვილიშვილმა, მძიმე წონაში გამარჯვებულ ნიკოლოზ ლიპარტელიანს გადასცა.ხოლო ტექნიკური მოჭიდავის თასი წილად ხვდა ნანუკა ონიანს. სხვა კატეგორიებში გამარჯვებულები მედლებითა და დიპლომებით დაჯილდოვდნენ.ლენტეხის მერმა, გია ონიანმა მადლობა გადაუხადა ტურნირის ორგანიზატორებს, შესაბამის სამსახურს, მწვრთნელებს, მონაწილეებს საინტერესო და სანახაობრივი შეჯიბრის ჩატარებისთვის.ტურნირი, ლენტეხის მუნიციპალიტეტის მერიის, ინიციატივითა და თანადგომით ჩატარდა.
დღესვე ცენტრალურ ხეივანში, მოეწყო სამხატვრო სკოლის აღსაზრდელების მიერ შესრულებული შემაჯამებელი ნამუშევრების გამოფენა-დათვალიერება. ასევე რესურსცენტრის ხელმძღვანელობით ზოგად საგანმანათლებლო საჯარო სკოლებს შორის გაიმართა შეჯიბრი ფრენბურთში, სადაც პირველი ადგილი დაიკავა და გამარჯვებული გუნდი გახდა გოგონათა შორის ჩოლურის საჯარო სკოლა , ხოლო ვაჟებს შორის სოფელ მელეს საჯარო სკოლა, მეორე ადგილი გოგონებსა და ვაჟებს შორის ლენტეხის პირველმა საჯარო სკოლამ დაიკავა, მესამე ადგილი ვაჟებს შორის ხოფურის საჯარო სკოლამ მოიპოვა.
