პროექტში მონაწილეობს: ლენტეხის, გორის, საჩხერის სალოტბარო სკოლებისა და ,,ფოლკლორის სახლის“ (თუშები) 120 ბავშვი, რომელთა ასაკი განსაზღვრულია 10-დან 18 წლამდე. ჩართულები არიან ასევე,სკოლების ლოტბარ-რეგენტები, მშობლები, მოხალისე-ლიდერები, ადგილობრივი მუნიციპალიტეტის მერია, ოსტატები, ანსამბლები…

ჩამოსულ სტუმრებს ლენტეხის მუნიციპალიტეტის მერი გია ონიანი და მერის მოადგილე ბერდია ჩანქსელიანი შეხვდნენ. შეხვედრა გაცნობითი ხასიათის იყო. მერმა მადლობა გადაუხადა პროგრამის ყველა მონაწილეს და სრული მხარდაჭერა გამოუცხადა.

1 ივნისს – ბავშვთა დაცვის საერთაშორისო დღეს-გაიმართა სადღესასწაულო მსვლელობა ლენტეხის ქუჩებში,ასევე, ჩატარდა გაცნობითი ხასიათის თამაშები-სვანი, იმერელი, თუში და ქართლელი ბავშვების ერთობლივი მონაწილეობით.