ლენტეხში მეწარმეებთან და ინფრასტრუქტურული პროექტების შემსრულებლებთან სამუშაო შეხვედრა გაიმართა.ლენტეხის მუნიციპალიტეტის მერიის ინიციატივით, მერიის სააქტო დარბაზში სამუშაო შეხვედრა, ადგილობრივ მეწარმეებთან და ინფრასტრუქტურული პროექტების შემსრულებელ კომპანიებთან გაიმართა.შეხვედრის მიზანს წარმოადგენდა მიმდინარე ინფრასტრუქტურული პროექტების შესრულების პროცესის დეტალური შეფასება, არსებულ გამოწვევებზე მსჯელობა და მათი გადაჭრის გზების ერთობლივად მუშაობა.შეხვედრას რაჭა-ლეჩხუმისა და ქვემო სვანეთის რეგიონული პროექტების კოორდინირების სამსახურის ხელმძღვანელი ლევან ცხვედიანი, ლენტეხის მუნიციპალიტეტის მერის მოადგილე ზვიად ლობჟანიძე და ასევე, ზედამხედველობისა და ინფრასტრუქტურის სამსახურის ხელმძღვანელი პირები ესწრებოდნენ.ყურადღება გამახვილდა იმ პროექტებზე, რომლებიც სხვადასხვა ეტაპზე მიმდინარეობს – დაწყებული ახალი ობიექტების მშენებლობით, დასრულებული არსებული ინფრასტრუქტურის განახლებით.მონაწილეებმა ხაზგასმით ისაუბრეს იმ გამოწვევებზე, რომლებიც პროექტების განხორციელებისას იქმნება და რომელთა დროული და ეფექტური გადაჭრა მნიშვნელოვანია, როგორც სამუშაოების დროულად დასრულებისთვის, ისე მათი ხარისხისა და უსაფრთხოების უზრუნველსაყოფად.აუცილებელია სამუშაოების შესრულებისას მკაცრად იქნეს დაცული ყველა ტექნიკური ნორმა და უსაფრთხოების სტანდარტი.
მუნიციპალიტეტის წარმომადგენლებმა ხაზი გაუსვეს სამუშაოების ხარისხის უზრუნველყოფის მნიშვნელობას და მოუწოდეს შემსრულებლებს, იმუშაონ პასუხისმგებლობითა და კანონით გათვალისწინებული ვადების დაცვით.ამასთან, აღინიშნა, რომ თითოეული პროექტის მიმდინარეობაზე ხორციელდება აქტიური და სისტემატური მონიტორინგი – როგორც მუნიციპალიტეტის შესაბამისი სამსახურების, ასევე რეგიონული კოორდინატორის მხრიდან. აღნიშნული მექანიზმი ითვალისწინებს როგორც სამუშაო პროცესის ყოველდღიურ შემოწმებას, ისე პროექტის ყველა ეტაპზე შესაძლო რისკების შეფასებას და მათ პრევენციას.
