ლენტეხის მუნიციპალიტეტში “სოფლის მხარდაჭერის“ პროგრამის ფარგლებში განსახორციელებელი პროექტების შერჩევის მიზნით, მოსახლეობასთან შეხვედრები ლენტეხის თემში დაიწყო.შერჩეული პრიორიტეტები ,,სოფლის მხარდაჭერის“ პროგრამის ფარგლებში რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდიდან ფინანსდება.ლენტეხის მუნიციპალიტეტის მერის მოადგილეები მარადი ლიპარტელიანი და ზვიადი ლობჟანიძე, ადგილობრივი ხელისუფლების წარმომადგენლებთან ერთად ლასკადურის, კახურის, გულიდის, ყარიშის, მაცხვარლამეზურის, მელურის და ლექსურის სოფლის მოსახლეობას შეხვდნენ და პროგრამის ფარგლებში განსახორციელებელი პროექტები განიხილეს.
ადგილობრივების უშუალო ჩართულობით, გამოვლინდა შემდეგი პრიორიტეტული მიმართულებები:
სოფელი გულიდა – შიდა საავტომობილო გზის მოწყობა-გაფართოება.სოფელი კახურა – სასაფლაოების შემოღობვასოფელი ლასკადურა – სასაფლაოების შემოღობვასოფელი მელურა-გარე განათების მოწყობასოფელი ყარიში-შიდა საავტომობილო გზის მოწყობასოფელი ბაბილი-გარე განათების მოწყობასოფელი მაცხვარლამეზური- გარე განათების მოწყობასაქართველოს მთავრობის განკარგულების შესაბამისად ამ პროგრამის ფარგლებში, წელს, ლენტეხის მუნიციპალიტეტისთვის გამოყოფილი თანხა შეადგენს 604 000 ლარს. ყველა დასახელებულ პროექტს კი ლენტეხის მუნიციპალიტეტის მერია წლის ბოლომდე განახორციელებს.აღნიშნული პროგრამა, ხელს უწყობს მოქალაქეთა ჩართულობის გაზრდას, როგორც მათი სოფლისთვის მნიშვნელოვანი საკითხების მოგვარებაში, ასევე, თემის პრიორიტეტებისა და სამომავლო განვითარების მიმართულების განსაზღვრაში.შეგახსენებთ, რომ კონსულტაციები 3 თებერვალს დაიწყო და ეტაპობრივად ყველა სოფელს მოიცავს.
