ლენტეხის ადგილობრივი ხელისუფლება მოსახლეობასთან ერთად კურორტ ,, მუაშის” განვითარების გზებზე მუშაობს.ლენტეხის მუნიციპალიტეტის მერი გია ონიანი და საკრებულოს თავმჯდომარე გიორგი გაზდელიანი სოფელ სასაშში ადგილობრივ მოსახლეობას შეხვდნენ.მათთან ერთად შეხვედრაში მონაწილეობდნენ მერიისა და საკრებულოს სხვა წარმომადგენლებიც.
შეხვედრის მთავარი თემა მუაშის ტერიტორიის განვითარება იყო– ადგილი, რომელიც წარსულში ცნობილი იყო თავისი უნიკალური მჟავე წყლებითა და კურორტული ფუნქციით.დღეს, უკვე მიმდინარეობს სამუშაოები, რომლებიც ითვალისწინებს კურორტის ინფრასტრუქტურის მოწესრიგებას, მინერალური წყლის ტერიტორიის აღდგენასა და ტურისტულად მიმზიდველი სივრცის შექმნას.მუაში უნდა გახდეს ადგილი, სადაც ერთდროულად შეიძლება დასვენება, გამაჯანსაღებელი წყლების გამოყენება და ადგილობრივი კულტურის გაცნობა.მერიის წარმომადგენლებმა მოსახლეობას დეტალურად გააცნეს პროექტის ეტაპები და სარგებელი.,,განახლებული მუაში შესაძლოა გახდეს სოფლად განვითარებული ტურიზმის ერთ-ერთი გამორჩეული ლოკაცია. პროექტის წარმატება დამოკიდებულია თქვენს ჩართულობასა და აზრების გაზიარებაზე. თუ გვაქვს იდეები, სურვილები ან შეკითხვები – სწორედ ახლაა დრო, ერთად ვიმოქმედოთ”- აღნიშნა მუნიციპალიტეტის მერმა გია ონიანმა.
