რაჭა-ლეჩხუმ, ქვემო სვანეთის რწმუნებულის მოადგილემ ბერდია ჩანქსელიანმა, ლენტეხის მუნიციპალიტეტის საკრებულოს თავმჯდომარემ გიორგი გაზდელიანმა და მერის მოადგილე ზვიად ლობჟანიძემ დაბაში მიმდინარე ინფრასტრუქტურული პროექტი-სპორტკომპლექსის სარეაბილიტაციო სამუშაოები დაათვალიერეს.

სამუშაოების მეორე ეტაპზე, კარ-ფანჯრების მონტაჟი, კედლების შელესვა, ეზოს კეთილმოწყობა, შემოღობვა, წყალკანალიზაცია, გარე კანალიზაცია, გათბობა-ვენტილაცია და ელექტრო სამონტაჟო სამუშაოები მიმდინარეობს.

სამუშაოებს შ.პ.ს ,,აბსოლუტპლუსი’’ ასრულებს, რომლის სახელშეკრულებლო ღირებულება 479, 770 ლარია. სამუშაოები რეგიონალური განვითარების ფონდის დაფინანსებით ხორციელდება.

პროექტი მიმდინარე წლის ივლისში დასრულდება.