(+995) 591 812361
info@lentekhi.gov.ge

სასოფლო-სამეურნეო პროგრამები

კენკროვანი კულტურების დაფინანსების ქვეკომპონენტი
„კენკროვანი კულტურების დაფინანსების ქვეკომპონენტი“ ითვალისწინებს კენკროვანი კულტურის ბაღის გაშენებისათვის საჭირო ნერგების, წვეთოვანი სარწყავი სისტემის და სხვა საჭირო მასალების შეძენისა და მოწყობის ღირებულების 100% დაფინანსებას 0.15 ჰა-დან 0.5 ჰა-ს ჩათვლით სასოფლო-სამეურნეო დანიშნულების მიწის ფართობზე.

ქვეკომპონენტი ხორციელდება საქართველოს შემდეგ რეგიონებში:

იმერეთი - საჩხერის, ტყიბულის, ჭიათურის, ხარაგაულის, ბაღდათის, ვანის, ხონის და ზესტაფონის მუნიციპალიტეტები. ზესტაფონის მუნიციპალიტეტში დაფინანსება განხორციელდება შემდეგ ტერიტორიებზე: 

ადმინისტრაციული ერთეული          სოფელი

ძირულა
                                                   პატარა განთიადი
                                                   ლელაძისეული
სანახშირე
                                                  ზედა წიფლავაკე
                                                   სანახშირე
შროშა
                                                   ამსაისი (ულევი)
                                                   საწაბლე
ბოსლევი
                                                  გაღმა ბოსლევი
                                                  გამოღმა ბოსლევი
გურია - ოზურგეთის, ლანჩხუთის და ჩოხატაურის მუნიციპალიტეტები;

რაჭა-ლეჩხუმი და ქვემო სვანეთი - ამბროლაურის, ლენტეხის, ონის და ცაგერის

მუნიციპალიტეტები;

სამეგრელო-ზემო სვანეთი - წალენჯიხის, მარტვილის და ჩხოროწყუს მუნიციპალიტეტები;

მცხეთა-მთიანეთი - დუშეთის, თიანეთის, მცხეთისა და ყაზბეგის მუნიციპალიტეტები.

 
ქვეკომპონენტის ფარგლებში დაფინანსება გაიცემა იმ შემთხვევაში, თუ შესაბამისი მუნიციპალიტეტიდან შემოსული განაცხად(ებ)ით მოთხოვნილი იქნება არანაკლებ 5 ჰა კენკროვანი კულტურ(ებ)ის ბაღის გაშენება.
ქვეკომპონენტის ფარგლებში დასაშვებია შემდეგი კენკროვანი კულტურების გაშენება:

ლურჯი მოცვი, მაყვალი, ჟოლო (კომპონენტის ფარგლებში დასაშვები ჯიშების ჩამონათვალი) (დანართი 1)

ფინანსური დახმარება:

ქვეკომპონენტის ფარგლებში ფინანსური დახმარება ითვალისწინებს მრავალწლოვანი კენკროვანი კულტურის ბაღის გასაშენებლად ბენეფიციარებისათვის მიზნობრივი ფულადი დახმარების გამოყოფას დაფინანსების სახით, მრავალწლოვანი კენკროვანი კულტურების ნერგების, სარწყავი სისტემის მოწყობის ან/და ბაღის გაშენებისათვის საჭირო მასალების შეძენის მიზნით.

დაფინანსდება შესაძენი ნერგების ღირებულების 100%, როგორც ნერგების ადგილობრივ ბაზარზე შეძენისას, ასევე მათი იმპორტის შემთხვევაში. ამავდროულად, განსაზღვრულია თითოეულ ნერგზე დაფინანსების მაქსიმალური მოცულობა და სასოფლო-სამეურნეო დანიშნულების მიწის ნაკვეთზე გასაშენებელი ნერგების რაოდენობა:
თანადაფინანსების მაქსიმალური მოცულობა და 0.5 ჰექტარზე დასარგავი ნერგების რაოდენობა 

კულტურა
მაქსიმალური ნერგების ოდენობა (0,5 ჰა-ზე გაანგარიშებით)
დაფინანსების მაქსიმალური ოდენობა (ლარი)

ადგილობრივ ბაზარზე (ერთი ნერგის შეძენის ღირებულება)
დაფინანსების მაქსიმალური ოდენობა (ლარი)

იმპორტირებული ნერგებისათვის (ერთი ნერგის შეძენის ღირებულება)
ლურჯი მოცვი
1 500
7
8.4
მაყვალი
1 250
3
3.6
ჟოლო
2 350
1.50
1.80

შენიშვნა: იმ შემთხვევაში თუ გასაშენებელი ფართობი ნაკლებია ან მეტია 0.5 ჰა-ზე, ნერგების რაოდენობა განისაზღვრება გასაშენებელი ფართობის პირდაპირ პროპორციულად 0.5 ჰა-სთან მიმართებით.

დაფინანსდება ერთ ბენეფიციარზე, ფიზიკური პირის შემთხვევაში, სასოფლო-სამეურნეო დანიშნულების მიწის ნაკვეთზე წვეთოვანი სარწყავი სისტემის მოწყობის ღირებულების 100%, მაგრამ არაუმეტეს 3 000 ლარი (დღგ-სჩათვლით).
დაფინანსდება კენკროვანი კულტურის ბაღის გაშენებისათვის საჭირო მასალების ღირებულების 100%, განსაზღვრულია თითოეული მასალისათვის მაქსიმალური რაოდენობა:
კენკროვანი კულტურების კომპონენტით დასაფინანსებელი ბაღის გაშენებისათვის საჭირო მასალების ჩამონათვალი 

მასალების ჩამონათვალი:
შეზღუდვები
სამულჩე ფირი 
0,5 ჰექტარზე გაანგარიშებით არაუმეტეს 2 500 მ2.
შუა ბოძები
0.5 ჰექტარზე გაანგარიშებით არაუმეტეს 250 ცალი.
საყრდენი ბოძები
0.5 ჰექტარზე გაანგარიშებით არაუმეტეს 40 ცალი.
მავთული (მაქს. 2.4 მმ)
0,5 ჰექტარზე გაანგარიშებით არაუმეტეს 260 კგ.
ღუზები
0.5 ჰექტარზე გაანგარიშებით არაუმეტეს 40 ცალი.
საჭიმები
0.5 ჰექტარზე გაანგარიშებით არაუმეტეს 160  ცალი.
 ბაღის გაშენებისათვის საჭირო მასალების დეტალური ტექნიკური მახასიათებლები (დანართი 2)

 
ნერგის შეძენა უნდა განხორციელდეს ქვეკომპონენტის ფარგლებში შერჩეული ადგილობრივი კვალიფიციური სანერგე მეურნეობებიდან. ასევე წვეთოვანი საირიგაციო სისტემისა შეძენა/მონტაჟი და ბაღის გაშენებისათვის საჭირო მასალების შეძენა უნდა განხორციელდეს შერჩეული კვალიფიციური კომპანიებისგან.
ტექნიკური დახმარება:

ტექნიკური დახმარება ითვალისწინებს შესაბამისი ტრენინგების ჩატარებას იმ პოტენციური ბენეფიციარებისათვის, რომლებიც სრულად წარადგენენ სააგენტოში პირველ ეტაპზე წარსადგენ დოკუმენტაციას. ტრენინგების დასრულების შემდგომ ტარდება ტრენინგგავლილი პირების ტესტირება შესწავლილ საკითხებში.

ქვეკომპონენტის ბენეფიციარის შესაბამისობის კრიტერიუმები:

 კენკროვანების ქვეკომპონენტის ბენეფიციარი შეიძლება იყოს:

საქართველოს მოქალაქე სრულწლოვანი ფიზიკური პირი;
საქართველოში რეგისტრირებული სასოფლო-სამეურნეო სტატუსის მქონე კოოპერატივი.
ფიზიკური პირის შემთხვევაში:

დადგენილების ამოქმედების თარიღისთვის (2018 წლის 29 მაისი) პოტენციურ ბენეფიციარ ფიზიკურ პირს საკუთრებაში უნდა გააჩნდეს სსიპ „საჯარო რეესტრის ეროვნულ სააგენტოში“ რეგისტრირებული სასოფლო-სამეურნეო დანიშნულების მიწის ნაკვეთ(ებ)ი, რომელიც უნდა იყოს არანაკლებ 0.15 ჰა, ამავდროულად მის საკუთრებაში არსებული სასოფლო-სამეურნეო დანიშნულების მიწის ნაკვეთ(ებ)ის ჯამური ფართობი არ უნდა აღემატებოდეს 5 ჰა-ს.

შეზღუდვა:

ერთ პირზე დასაშვებია არანაკლებ 0.15 ჰა-დან არაუმეტეს 0.5 ჰა-ის ჩათვლითკენკროვანი კულტურის ბაღის გაშენების დაფინანსება.

სასოფლო-სამეურნეო კოოპერატივის შემთხვევაში:

დადგენილების ამოქმედების თარიღისთვის (2018 წლის 29 მაისი) სასოფლო-სამეურნეო კოოპერატივი უნდა აკმაყოფილებდეს ქვემოთ მოცემული ორი პირობიდან ერთ-ერთს:

სასოფლო-სამეურნეო კოოპერატივს საკუთრებაში უნდა ჰქონდეს სსიპ „საჯარო რეესტრის ეროვნულ სააგენტოში“ რეგისტრირებული სასოფლო-სამეურნეო დანიშნულების მიწის ნაკვეთ(ებ)ი. თითოეული მეპაიის მიერ შეტანილი სასოფლო-სამეურნეო დანიშნულების მიწის რაოდენობა უნდა იყოს არანაკლებ 0.15 ჰა-დან არაუმეტეს 5 ჰა-ის ჩათვლით;
სასოფლო-სამეურნეო კოოპერატივის თითოეულ მეპაიეს საკუთრებაში უნდა ჰქონდეს სსიპ „საჯარო რეესტრის ეროვნულ სააგენტოში“ რეგისტრირებული სასოფლო-სამეურნეო დანიშნულების მიწის ნაკვეთი არანაკლებ 0.15 ჰა-დან არაუმეტეს 5 ჰა-ის ჩათვლით.
 
სასოფლო-სამეურნეო კოოპერატივს, რომელსაც ქვეკომპონენტის პირობების შესაბამისად დაუფინანსდება არანაკლებ 5 ჰა კენკროვანი კულტურის ბაღი ერთ მუნიციპალიტეტში, სააგენტოს მიერ უსასყიდლოდ საკუთრებაში გადაეცემა პირველადი დასაწყობებისთვის საჭირო 1 ერთეული სტაციონალური მაცივარ-კონტეინერი, რომლის ტევადობა იქნება საშუალოდ 20 ტონა.
  
შეზღუდვები:

„კენკროვანების ქვეკომპონენტის“ ფარგლებში, სასოფლო-სამეურნეო კოოპერატივის

დაფინანსების შემთხვევაში:

სასოფლო-სამეურნეო კოოპერატივის (რომლის საკუთრებაშია მეპაიეების მიერ პაის სახით შეტანილი სასოფლო-სამეურნეო დანიშნულების მიწის ნაკვეთები) მიერ კენკროვანი კულტურის ბაღის გაშენების ფართობი განისაზღვრება თითოეული მეპაიის მიერ შეტანილი სასოფლო-სამეურნეო დანიშნულების მიწის ნაკვეთის რაოდენობის მიხედვით, თითოეულ მეპაიეზე არაუმეტეს 0,5 ჰა-ის გადაანგარიშებით;
სასოფლო-სამეურნეო კოოპერატივის (რომლის მეპაიეებს პაის სახით არ აქვთ შეტანილი სასოფლო-სამეურნეო დანიშნულების მიწის ნაკვეთები) მიერ კენკროვანი კულტურის ბაღის გაშენების ფართობი განისაზღვრება თითოეული მეპაიის საკუთრებაში არსებული სასოფლო- სამეურნეო დანიშნულების მიწის ნაკვეთების რაოდენობის მიხედვით, თითოეულ მეპაიეზე არაუმეტეს 0,5 ჰა-ის გადაანგარიშებით;
შენიშვნა: სასოფლო-სამეურნეო კოოპერატივში დასაფინანსებელი ფართობის მაქსიმალური ოდენობა დამოკიდებულია მეპაიეების რაოდენობაზე და არ არის ლიმიტირებული.

 

დადგენილების ამოქმედების თარიღისთვის (2018 წლის 29 მაისი) მიწის ნაკვეთის საკუთრებაში ფლობის შეზღუდვა არ გავრცელდება იმ პოტენციურ ბენეფიციარზე, რომელიც დადგენილების ამოქმედების თარიღის შემდგომ პერიოდში მოახდენს მიწის ნაკვეთის პირველად რეგისტრაციას საკუთრებაში არსებული შესაბამისი დოკუმენტაციის საფუძველზე ან 0.15 ჰა დან 5 ჰა-მდე სასოფლო-სამეურნეო დანიშნულების მიწის ნაკვეთს შეიტანს სასოფლო- სამეურნეო კოოპერატივში პაის სახით.

წინაპირობა:

მიწის ნაკვეთის (სადაც იგეგმება კენკროვანი კულტურის ბაღის გაშენება) მიმდებარედ უნდა არსებობდეს ელექტროენერგიის წყარო (არაუმეტეს 800 მეტრის მანძილზე) ასევე უნდა ხდებოდეს მისი უზრუნველყოფა წყლის წყაროთი (არაუმეტეს 500 მეტრის მანძილზე), როგორიცაა მოქმედი სარწყავი არხი, მდინარე, ტბა, ჭა ან ჭაბურღილი (კომუნიკაციების მიყვანა მიწის ნაკვეთამდე ბენეფიციარმა უნდა უზრუნველყოს საკუთარი სახსრებით);
მიწის ნაკვეთზე, სადაც იგეგმება კენკროვანი კულტურის ბაღის გაშენება, არ უნდა მდებარეობდეს შენობა ნაგებობები და ნარგავები;
მიწის ნაკვეთს, სადაც იგეგმება კენკროვანი კულტურის ბაღის გაშენება, არ უნდა ედოს ყადაღა.
ქვეკომპონენტში მონაწილეობის მისაღებად დაინტერესებულმა პირმა 2 ეტაპად უნდა წარადგინოს დოკუმენტაცია.

პირველად განაცხადზე წარსადგენი დოკუმენტების შეგროვების ეტაპები:

სსიპ „სოფლის მეურნეობის სამეცნიერო-კვლევითი ცენტრის“ მიერ გაცემული ცნობა განაცხადით გათვალისწინებული მრავალწლიანი კულტურისათვის ნაკვეთის ნიადაგის ვარგისიანობისა და შესაბამისობის შესახებ;
ზემოთ აღნიშნული ცნობის მისაღებად უნდა მიმართოთ ქვემოთ ჩამოთვლილი ლაბორატორიებიდან ერთ-ერთს ნიადაგის სინჯების ასაღებად და ნიადაგის ლაბორატორიული ანალიზის ჩასატარებლად:
ნიადაგისა და სურსათის დიაგნოსტიკური ცენტრი "ანასეული"

მისამართი: ოზურგეთი, ანასეული, მეცნიერების ქ.#9

ტელ: 790-65-11-15, ელ. ფოსტა: zonaluri@mail.ru
მულტიტესტი – კვების პროდუქტების, ნიადაგის წიაღისეულის გამოცდის ქიმიური ლაბორატორია

მისამართი: თბილისი, სოფ. დიღომი, დიდგორის ქ. 13

ტელ: 214 48 48; ელ. ფოსტა: multitest@wanex.net
საქართველოს აგრარული უნივერსიტეტის საერთო-საუნივერსიტეტო ლაბორატორიული ცენტრი 

მისამართი: თბილისი, დავით აღმაშენებლის ხეივანი #240

ტელ: 591 67 68 58 ; 577 11 20 64  ელ. ფოსტა: t.urushadze@agruni.edu.ge
დაფინანსების შემთხვევაში მიწის ანალიზისთვის გაწეული ხარჯი ანაზღაურდება.

2. ლაბორატორიის თანამშრომელი იღებს სინჯებს ადგილზე და ახდენს მათ ლაბორატორიულ ანალიზს (ჩასატარებელი აუცილებელი ანალიზების სია)(დანართი 3)

3. წარადგენთ მიმართვას (სადაც მითითებულია ბაღში გასაშენებელი კულტურების ჩამონათვალი) და ნიადაგის ლაბორატორიული ანალიზის შედეგებს სსიპ "სოფლის მეურნეობის სამეცნიერო კვლევით ცენტრში" ნიადაგის გასაშენებელ კულტურებთან შესაბამისობის დადგენის მიზნით (მიმართვის ნიმუში შეგიძლიათ ჩამოტვირთოთ აქ)(დანართი 4)

4. სსიპ "სოფლის მეურნეობის სამეცნიერო კვლევითი ცენტრი" ადგენს ლაბორატორიული ანალიზის შედეგებიდან გამომდინარე, ნიადაგის გასაშენებელ კულტურებთან შესაბამისობას და გასცემს ცნობას ნიადაგის გასაშენებელ კულტურებთან შესაბამისობის ან შეუსაბამობის შესახებ;

5. მიმართავთ თქვენი მუნიციპალიტეტის სოფლის მეურნეობის საინფორმაციო-საკონსულტაციო ცენტრს მიწის ნაკვეთის წყლის, დენის წყაროთი უზრუნველყოფისა და ნარგავების/ნაგებობების არარსებობის დასადასტურებლად (მიმართვის ფორმის ნიმუში შეგიძლიათ ჩამოტვირთოთ აქ) (დანართი 5)

6. სოფლის მეურნეობის საინფორმაციო-საკონსულტაციო ცენტრის წარმომადგენელი განახორციელებს ვიზიტს მიწის ნაკვეთზე, შეამოწმებს მიწის ნაკვეთის და კრიტერიუმებთან შესაბამისობის შემთხვევაში, გასცემს ცნობას მიწის ნაკვეთის წყლითა და დანის წყაროთი უზრუნველყოფის შესახებ;

7. შეავსებთ პირველადი განაცხადის სტანდარტულ ფორმას (პირველადი განაცხადის ფორმა იხილეთ აქ) (დანართი 6)

8. წარმოადგენთ შევსებულ პირველად განაცხადს და თანმდევ დოკუმენტაციას სააგენტოში (პირველად ეტაპზე წარმოსადგენი დოკუმენტაციის ნუსხა) (დანართი 7)

სააგენტო განიხილავს პირველად განაცხადს თანმდევ დოკუმენტაციასთან ერთად.
9. პირველადი განაცხადის და წარმოდგენილი დოკუმენტაციის პროექტის პირობებთან შესაბამისობის შემთხვევაში პოტენციური ბენეფიციარს ჩაუტარდება ტრენინგი და ტესტირება შესწავლილ საკითხებში.

მეორად განაცხადზე წარსადგენი დოკუმენტების შეგროვების ეტაპები :

10. ტესტირების წარმატებით გავლის დამადასტურებლად წარადგენთ სსიპ "სოფლის მეურნეობის სამეცნიერო კვლევითი ცენტრი"-ს მიერ გაცემულ დოკუმენტს (წერილობითი დასტური ან/და სერთიფიკატი).

11. საქართველოს გარემოს დაცვისა და სოფლის მეურნეობის სამინისტროს ტერიტორიული ორგანოს მიერ გაცემული ცნობა მიწის ნაკვეთის დამუშავების შესახებ:

მიწის ნაკვეთი უნდა იყოს დამუშავებული, დამუშავების მეთოდოლოგიის დადგენა შესაძლებელია თქვენი მუნიციპალიტეტის სოფლის მეურნეობის საინფორმაციო-საკონსულტაციო ცენტრში;
მიწის ნაკვეთის დამუშავების შემდგომ მიმართავთ ისევ თქვენი მუნიციპალიტეტის სოფლის მეურნეობის საინფორმაციო-საკონსულტაციო ცენტრს, რომლის წარმომადგენელიც შეამოწმებს მიწის ნაკვეთს და კრიტერიუმებთან შესაბამისობის შემთხვევაში, გასცემს ცნობას.
12. წარმოადგინეთ ნერგების შესყიდვის ინვოისი ან/და ხელშეკრულება ქართულ, ინგლისურ ან რუსულ ენაზე;

13. წარმოადგინეთ შესასყიდი სარწყავი სისტემის (წვეთოვანი ირიგაცია, სპრინკლერ-ირიგაცია) ინვოისები ან ხელშეკრულება ქართულ, ინგლისურ ან რუსულ ენაზე;

14. წარმოადგინეთ კენკროვანი კულტურის ბაღის გაშენებისათვის საჭირო მასალების შესყიდვის ინვოისები ან ხელშეკრულება ქართულ, ინგლისურ ან რუსულ ენაზე;

15. შეავსებთ მეორადი განაცხადის სტანდარტულ ფორმას (მეორადი განაცხადის ფორმა იხილეთ აქ) (დანართი 8)

16. წარმოადგენთ შევსებულ მეორად განაცხადს და თანმდევ დოკუმენტაციას სააგენტოში (მეორე ეტაპზე წარმოსადგენი დოკუმენტაციის ნუსხა იხილეთ აქ)დანართი 9

17. სააგენტო განიხილავს მეორად განაცხადს თანმდევ დოკუმენტაციასთან ერთად.

განაცხადის დამტკიცების შემდგომ ფორმდება ხელშეკრულება დაფინანსების შესახებ.